Categoria: Poesia

Da cjantâ a plasei

Al ven gnot daûr la lune 

ca nus spie scune sutile 

fin contor d’arint.
 

A dabàs si sfile il flum 

ca’l no jeve pui sunsûr 

dut glaçât d’arint.


E distant ta rive scure 

pa scjaldâsi al cjape fûc

un lusôr d’arint.

Corint dilunc dal flum, cirint

nome crodint a une peraule

di viodisi intal puest da nostes cjacares

cjalant plui cui pîs dal sintiment

i ai alc tal cûr

ma no tu eras.

Sierant i voi tal glereâl

butant di tîr la mae blancje e la cotule roseade

mi sei poade denti i claps 

pleâts come la piel e il cuarp da l’aghe.

Cheste cuvierte

al é il diamant da noste vite

iei a volte il mont

fasint cidin il sûn e clip il freit

a si puarte vie la criùre e i siei pinsîrs

a val, butantisi intal mâr, dulà ca nus partegnin plui.